Mae In2Change yn brosiect cyffuriau ac alcohol cyfrinachol ac am ddim sy’n gweithio gyda phobl ifanc rhwng 11 ac 25 ar sail wirfoddol.

Rydym yn gweithio gyda phobl ifanc o amgylch eu problemau cyffuriau ac alcohol gan ganolbwyntio ar beth rydych yn credu fyddai’n eich helpu chi ar hyn o bryd. Gallwn gwrdd â chi yn y siop INFO, gartref, yn yr ysgol/coleg neu yn y gymuned – lle bynnag rydych yn teimlo’n fwyaf cyfforddus. Gallai rhai o’r gwasanaethau rydym yn eu darparu i chi gynnwys:

• Gwybodaeth a chyngor ar faterion sy’n ymwneud â defnyddio cyffuriau ac alcohol.

• Cynyddu eich gwybodaeth am risgiau sy’n ymwneud â defnyddio cyffuriau ac alcohol.

• Cefnogaeth i leihau neu roi’r gorau i ddefnyddio cyffuriau ac alcohol.

• Cefnogaeth o ran sut mae cyffuriau ac alcohol yn effeithio ar eich bywyd.

Gall In2Change hefyd gynnig cefnogaeth o ran addysg, tai, perthnasoedd, cyflogaeth neu waith gwirfoddol, a meysydd eraill o’ch bywyd.  Yn In2Change gallwn hefyd gynnig gweithgareddau i ddifyrru a all helpu i dynnu eich meddwl oddi ar anawsterau presennol neu eu defnyddio fel adnodd cymell.  Mae enghreifftiau’n cynnwys beicio mynydd, aelodaeth campfa am ddim, marchogaeth, teithiau sinema a cherdded.

Os ydych yn credu gall In2Change eich helpu chi ac os ydych am drefnu apwyntiad neu am holi unrhyw beth, ffoniwch neu anfonwch e-bost atom ar y manylion isod.  Os ydych am atgyfeirio eich hun at In2Change neu gael eich atgyfeirio gan brosiect/asiantaeth arall, llenwch y ffurflen atgyfeirio ar ein tudalen.  

Mae’r rhifau cyswllt ar gyfer ein tîm fel a ganlyn:-

01978 295 629

07800 999 071

07876 657 295

07976 660 531

neu gallwch e-bostio: in2change@wrexham.gov.uk

Dydd Llun i ddydd Gwener 9.00am i 5.00pm

Os hoffech fwy o wybodaeth ar y pwnc hwn neu os oes gennych gwestiynau galwch i mewn i’r Siop INFO neu cysylltwch â ni ar 01978 295600 / Instant message.  Os byddwch yn gadael neges i ni byddwn yn cysylltu â chi cyn gynted ag y gallwn.