Pwy sy’n cael pleidleisio mewn etholiad?
Mae pwy sy’n cael pleidleisio mewn etholiad yn dibynnu ar ba fath o etholiad ydi hi.
Ar gyfer Etholiadau Cyffredinol y DU (h.y. pleidleisio dros eich Aelod Seneddol) ac Etholiadau Comisiynydd yr Heddlu a Throsedd, rhaid i chi fod:
- yn 18 oed o leiaf ar ddiwrnod yr etholiad
- wedi cofrestru i bleidleisio
- yn ddinesydd o Brydain, Iwerddon neu genedl gymwys yn y Gymanwlad
- yn byw yn y DU neu’n byw dramor ac wedi cofrestru fel pleidleisiwr tramor
- heb eich gwahardd yn gyfreithiol rhag pleidleisio (h.y. carcharor)
![](https://youngwrexham.co.uk/wp-content/uploads/2024/06/png-1-1.png)
Yn Etholiadau Senedd Cymru (y Senedd) ac Etholiadau Lleol (Etholiadau’r Cyngor), rhaid i chi fod:
- yn 16 oed neu’n hŷn ar ddiwrnod yr etholiad
- wedi cofrestru i bleidleisio
- yn byw yng Nghymru ar gyfer Etholiadau’r Senedd, neu’n byw yn yr ardal rydych chi eisiau pleidleisio ynddi (e.e. Wrecsam) ar gyfer Etholiadau Lleol
- heb eich gwahardd yn gyfreithiol rhag pleidleisio
Er mwyn gallu pleidleisio mewn unrhyw fath o etholiad, rhaid i chi fod wedi cofrestru. Yng Nghymru, fe allwch chi wneud hyn pan fyddwch chi’n 14 oed. Gofynnir i chi am eich rhif Yswiriant Gwladol, ond fe gewch chi gofrestru hyd yn oed os nad oes gennych chi un.
Fe allwch chi gofrestru i bleidleisio yma:
TERMAU ALLWEDDOL
- Etholiad: pan mae pleidlais yn cael ei chynnal ac mae’r cyhoedd yn cael pleidleisio dros ymgeisydd.
- Etholiad Cyffredinol: Etholiad y DU ar gyfer Aelodau Seneddol.
- Cofrestru i bleidleisio: mae bod wedi cofrestru i bleidleisio yn golygu eich bod ar y Gofrestr Etholiadol a’ch bod yn cael pleidleisio mewn etholiadau cymwys.
- Etholiad y Senedd: Etholiad yng Nghymru ar gyfer Aelodau o’r Senedd.
- Etholiad Lleol: Etholiad sy’n cael ei gynnal yn eich ardal leol i bleidleisio dros gynghorwyr.
- Rhif Yswiriant Gwladol: defnyddir hwn i gael gwybodaeth am eich cyfraniadau treth ac Yswiriant Gwladol, a gofynnir i chi amdano pan fyddwch chi’n cofrestru i bleidleisio. Rydych chi fel arfer yn cael hwn mewn llythyr yn y post cyn eich pen-blwydd yn 16 oed, ond os na allwch chi ddod o hyd i’r llythyr, mae’r rhif i’w weld ar unrhyw slipiau cyflog neu ffurflenni P60 neu P45 rydych chi wedi’u cael. Peidiwch â phoeni os nad oes gennych chi un, fe allwch chi gofrestru hebddo.
![Cyber Essentials Logo](https://www.meiccymru.org/wp-content/themes/meic/images/Cyber-Essentials.png)
Partneriaid Ariannu
![families first](http://thesprout.co.uk/wp-content/themes/burningred/images/families-first.jpg)
![cardiff partnership](http://thesprout.co.uk/wp-content/themes/burningred/images/cardiff-partnership.jpg)
![promo cymru](http://thesprout.co.uk/wp-content/themes/burningred/images/promo-cymru.jpg)