O gynilo i brynu rhywbeth newydd i chi eich hun, i wneud cais am grant myfyriwr, mae arian yn gyfaill ac yn elyn cyfartal. Os caiff ei drin yn briodol a chyda pharch gall eich cynorthwyo i wneud pethau na fyddai modd i chi eu gwneud fel arall, ond os yw’n cael ei drin yn amhriodol gall eich gadael mewn trafferthion ac mewn dyled.

Efallai bod gennych chi gyfrif banc eisoes ac eisiau gwybod beth yw’r ffordd orau o gynilo eich arian, neu efallai eich bod yn chwilio am eich swydd gyntaf â thâl ac eisiau gwybod beth yw’r isafswm cyflog cenedlaethol. Efallai eich bod yn gymwys i dderbyn cymhorthdal incwm neu fudd-daliadau ac angen cyngor ynglŷn â sut i wneud cais amdanynt.

Mae rhai pobl yn byw’n fodlon heb fawr o arian, tra bo eraill yn dyheu am bethau materol y gellir eu cael gyda chyfrif banc iach yn unig. Pa bynnag gategori yr ydych yn perthyn iddo, bydd yr holl wybodaeth yr ydych ei hangen i wneud penderfyniadau ariannol fel unigolyn ifanc ar gael yn yr adran hon.