Rydyn ni wrth ein boddau i gyhoeddi ein bod wedi sicrhau arian ar gyfer Darpariaeth Ieuenctid Symudol newydd sbon, diolch i Gronfa Ffyniant Gyffredin y DU, ac mae’n dod i Wrecsam yn fuan!
Rydyn ni’n creu bws ieuenctid cyffrous fydd yn teithio ledled Wrecsam, gan ddod â gweithgareddau hwyl, gwasanaethau defnyddiol, ac awyrgylch croesawgar yn syth atoch chi – a’r peth gorau yw Y CHI fydd yn helpu i’w ddylunio!
Rydyn ni eisiau i bobl ifanc fel chi fod wrth galon y prosiect yma. Byddwch yn cael y cyfle i:
- Enwi’r bws
- Dylunio’r tu mewn a’r tu allan
- Dewis beth fydd ar y bws: o gemau a thechnoleg i’r gwasanaethau cymorth rydych chi eisiau eu gweld
Nid prosiect ieuenctid arferol mo hwn. Eich lle chi yw e – wedi ei lunio gan eich syniadau chi, ac wedi’i adeiladu ar gyfer beth RYDYCH CHI eisiau ei weld yn Wrecsam. P’un a ydych chi’n hoffi bod yn greadigol, gemau cyfrifiadurol, cefnogaeth llesiant, neu eisiau lle cŵl i dreulio amser, dyma’ch cyfle i gymryd rhan a gwneud iddo ddigwydd!
Pam bws ieuenctid?
Rydyn ni’n gwybod nad yw’n hawdd cyrraedd clwb ieuenctid neu wasanaethau bob amser, felly drwy fynd â’r bws i ardaloedd gwahanol, rydyn ni’n gobeithio ei wneud yn haws i bawb gael mynediad at gymorth, cymryd rhan, rhoi cynnig ar bethau newydd, a chysylltu mewn amgylchedd diogel, hwyliog ac inclusive.
Eisiau cymryd rhan?
Bydd holl wasanaethau ieuenctid Wrecsam yn rhan o’r gystadleuaeth ddylunio. Bydd y dyluniadau buddugol yn cael eu cynnwys ar y bws – felly paratowch eich syniadau!
👉 I gystadlu, lawrlwythwch a phrintiwch y ffurflen isod a dechreuwch ddylunio!
Ffurflen gystadleuaeth gelf Bws Ieuenctid – Lawrlwythwch
Os nad oes gennych brintydd, gallwch godi ffurflen o’r Siop INFO ar Stryt y Lampint, Wrecsam!
DYW E’N HIR GENNYM… rydyn ni eisiau’r bws ar y ffordd cyn gynted â phosib! Mae’n rhaid cyflwyno’r holl ddyluniadau erbyn 12 Mehefin 2025!! – sydd ond ychydig dros wythnos i fynd!
Gallwch eu cyflwyno i’r Siop INFO neu unrhyw wasanaeth ieuenctid yn Wrecsam!
Alla i ddim aros i weld beth fyddwch chi’n ei greu!
