Oeddech chi’n gwybod y gallai un sgwrs fach wneud gwahaniaeth mawr ym mywyd rhywun? Mae Diwrnod Amser i Siarad 2025 yn ymwneud â hyrwyddo sgyrsiau agored am iechyd meddwl – gyda ffrindiau, teulu, neu hyd yn oed rhywun newydd.
Pam mae siarad yn helpu
Mae gan bawb iechyd meddwl, yn union fel y mae gennym iechyd corfforol, ac mae’n bwysig gofalu amdano. P’un a ydych yn teimlo dan straen am ysgol, gwaith, perthnasoedd, neu fywyd yn gyffredinol, gall siarad am eich teimladau eich helpu i deimlo cefnogaeth ac yn llai unig.
Gall dechrau’r sgwrs deimlo’n lletchwith neu’n frawychus, dyna pam mae Diwrnod Amser i Siarad yma i’n hatgoffa nad oes ffordd gywir nac anghywir i siarad – ac mae pob sgwrs yn cyfrif. Gallai fod mor syml â:
• Gofyn i ffrind sut maen nhw wir yn teimlo
• Rhannu rhywbeth sydd wedi bod ar eich meddwl
• Gwrando heb farnu pan fydd rhywun yn agor ei galon
Angen Rhywun i Siarad â Nhw?
Rydyn ni’n deall efallai na fyddwch bob amser yn teimlo’n gyfforddus yn siarad â ffrindiau neu deulu. Dyna pam rydyn ni’n cynnal sesiwn galw heibio bob dydd Iau yn y Siop INFO o 3-5pm o’r enw “Amser i Siarad”. Dim pwysau, dim barn – dim ond lle diogel i sgwrsio, cael cyngor, a chael rhywun i wrando.
Sut Gallwch Chi Gymryd Rhan?
• Gwirio sut mae ffrind yn teimlo neu anfon neges atynt
• Dechrau sgwrs am iechyd meddwl yn yr ysgol, coleg, neu yn y gwaith
• Galw heibio’r Siop INFO bob dydd Iau rhwng 3 – 5pm – rydyn ni yma i wrando!
