Mae hi’n ‘Sextember’, ac thema eleni yw ‘rhad, hawdd, trefnus, diogel’ ac mae’r cyfan yn ymwneud â chondomau.
Pam condomau?
Condomau (a dulliau rhwystro eraill) yw’r unig fath o atal cenhedlu sy’n amddiffyn rhag heintiau a drosglwyddir yn rhywiol ac yn atal beichiogrwydd digroeso.
Gallant fod yn bwysig iawn os:
• ydych chi’n cael rhyw gyda phartner newydd
• ydych chi’n ansicr ynghylch statws eich partner o ran heintiau a drosglwyddir yn rhywiol
• rydych chi eisiau amddiffyniad ychwanegol i leihau’r risg o drosglwyddo neu ddal haint a drosglwyddir yn rhywiol
Dim ond un o nifer o wahanol fathau o atal cenhedlu sydd ar gael am ddim yng Nghymru yw condomau, felly mae’n siŵr bod un sy’n addas i chi ac i’ch ffordd o fyw.
Mae’r Siop INFO yn cynnig condomau am ddim tan eich pen-blwydd yn 26 oed!! Unwaith y byddwch wedi cofrestru gyda’n gwasanaeth, gallwch gasglu condomau am ddim heb unrhyw drafferth na barn.
Gall Gweithwyr Ieuenctid hyfforddedig yn INFO gynnig gwybodaeth am iechyd rhywiol, a chymorth gyda pherthnasoedd, dulliau atal cenhedlu ac iechyd rhywiol, yn ogystal ag unrhyw beth arall sydd ar eich meddwl.
Gallwch alw heibio, holi wrth y ddesg, cael sgwrs fer, cymryd rhai condomau a bwrw ymlaen â’ch diwrnod.
Os ydych chi yn Wrecsam ac eisiau condomau, cyngor neu arweiniad am ddim, dewch i weld y tîm yn yr INFO Shop; gallwch ddod o hyd i ni ar Stryd y Lampint, o ddydd Llun i ddydd Gwener, ac mae ein drysau ar agor o 11:30am.
Welwn ni chi cyn bo hir!
